Waxaa dib u dhac uu ku yimid furmashada Kalfadhigii ugu dambeeyay ee Baarlamaanka Somaliya oo maanta lagu madalsanaa inuu si rasmi ah kaga furmo Magaalada Muqdisho.
Xildhibaanada Baarlamaanka Somaliya ayaa ku sii xaadiray xarunta Golaha shacabka ee Magaalada Muqdisho, halkaasi oo qorshaha uu ahaa in Madaxweynaha Somaliya uu furo Kalfadhiga.
Goor dhaweyd ayaa Guddoomiyaha Baarlamaanka Somaliya Maxamed Sheekh Cismaan Jawaari oo tagay xarunta Golaha shacabka wuxuu ku wargeliyay Xildhibaanada in Kalfadhiga maanta uusan furmeyn.
Guddoomiye Jawaari ayaa Xildhibaanada u sheegay in Madaxweynaha Somaliya Xasan Sheekh Maxamuud oo sida Dastuurka uu qabo furi lahaa Kalfadhigii 8-aad ee Baarlamaanka Somaliya uu mashquulsan yahay.
Jawaari wuxuu ku soo koobay hadalka Madaxweynaha inuu ku mashquulsan yahay arimo qaran, sidaasi awgeedna maalinta berito ah la furi doono Kalfadhiga Baarlamaanka.
Madaxweynaha Somaliya Xasan Sheekh Maxamuud ayaa Madaxtooyada wuxuu ka furay Shirka u dhaxeeya Madaxda Somalida iyo Madaxda maamul Goboledyada dalka ka jira.
No comments:
Post a Comment